hjunep

Kodong keselem lex bebucu reban
Tebilin sekelem due marax ilang
Ndek arak modal cume keretan tojang
Sekali angkat penox bebosang

Reramban lampax selapux langan
Ndex te urus marax bebenesan
Selun arax jangan karing te juang
Sekali kelax bau jari sedasan

Beboyot bebiru taek mesax lex pesisix
Selapux dengan ngembun mesax
Marax ndek taox arax epen
Semolah molah bait ape melen

Gumi paerke sax sugi ape juax
Te beng tampe ngendeng jari umax
Selun selun manuse jari tamax
Jangke tetangis six inax amax

Jogjakarta, 29.02.08 Jam 18.45 WIB

Blincek lex pager nyebox
Tekex ngampang ruene liah
Blincek taoxne babaye
Plai bejulux ngentengang elong

Blincek tindox, mangan sax dua jelo
Ngantih tiox elongne sax kodex
Tekex sorak ketak mele mangan
Ndex ara sabar, ongkat blincex

Ngeno ite menusa sax tilah
Ape bae te maux tampe lelah
Sang tao ke arax dengan kodex
Sax berembeng jangken buex

Jogjakarta, 29.02.08 Jam 17.47 WIB

Lex Kembang Kuning tiox bunut baok
Lex Teros te rebax sax belex belex
Papux Kesit te boyax gen bejampi
Sengax arax jin sax ndex mele nyedi

Bunut baox mulan baox
Sengax luex begantung akah
Lamun semeton teparan kaok
Ape uras bulun kendekok

Lolon kayux lex embe juax
Te beng Nenex taoxte nyebox
Lamun takut selapux juax
Kembex ndex inem tuwe babak

Jogjakarta, 29.02.08 Jam 17.57 WIB

Lex gawah Toye tauxne ndot
Berau dit anak jarine
Selapux rue taletanne
Nggakne gawek mamax dit ngudut

Repoxne eyot ndex bepager
Angin enyet ndex jari pekare
Ye sino dengan Bude
Kakenane selapuk rue

Tindux tidem ndex keruan
Bareng acong ye mangan
Jaux gati lex tengak gawah
Ndek arax dengah dakwah

Ino ruen tadah dengan Sasak
Ndarax bau dengan bebadax
Marax biasen manuse ganjax
Mbe taox ye begelasak

Jogjakarta, 29.02.08 Jam 17.38 WIB

MESOBE

Parek bao daye,
inax amax beriuk betaletan

Mbot rerebu sax tiox,
Lex selak antap, ambon, lembain

Lex rau tetalet pengarep,
tunasang te icanin rezeki

Selapux tiox beramban,
bepesex marax angin

Ye sino sax te anti,
selapux semeton jari

Lex rau te mesobe,
te pade gati tunax male

Kanak sax plai,
bejorax dit begejuh

Ye sino tetunjang,
lemax bian jelo

Lex rau tetalet angen,
agen te pade patut

Gumi paer taox te arax,
te beng six papux balox

Lex rau te jagax anak jari,
pasu boyax ilmu

Ye sino Sasak sax mule jati,
agen solah aran bangse

Jogjakarta,29.02.08 jam 10.39 WIB

Hazairin R. JUNEP
———————————-

NB. Ini adalah tulisan saya dalam base Sasak yang pertama, mohon
sarannya, terima kasih.

Bunyi glottal saya tulis dengan x untuk membedakan bunyi yang khas
Sasak itu dengan K atau Q. Sengaja tidak menggunakan q karena masih
ragu…