hjunep

Kuak kaok metitox ite base Sasak tau sax saling kaken
Pelecing sax mule senget biweh terus ketagian jangke ilang laden
Kangkung sax bau tame begang lex lowangne, seke pulen penidem
Puntix pudak nangke jari polek, lagux masi kalah si kaliadem

Luwex lalox ntan bejorax ye ampox jari blok ajum
Lalo sekole tipax Jawe lagux ndex arax sergep sinau
Dedare sax inges ndarax jagax, lepas marax jaran
Terune jelo kelem bekedekan atawe bejorax lupax waktu

Timax wah bilin dese, kuwak kaok masih bepeok
Terune besiax mele matex baturne mesax
Dedare betian, nganax dex keruan amax
Bebajang plai begerusukan ndex taox ape jax ne gawex

Kanak kodex te sembex dait te ponjex agen ne pade roncex
Belex sekedix te katir gelidung dasan adex ne seke kebut
Tutux sekole lalo ngambar jangke Periangan terus nyebox dit toax
Dengan dasan nganteh piran ne ulex pepadu sax te beayax jangke puput

Tem tem bokox, kerakat bau lime, metunggal aji sopox bedese lime lime
Wah sino saling awex saling betex terus tedox ndarax sax kelakon
Luwung sax ngambar, lesox sax ndot, pelot sax toax, toax sax bebeyax
Pade pendait dit kepuse puse, berenten saling lamper, sengax seken peteng jelo

Wah telang sax nambah bangket, wah telang sax taex nyiuh
Lamun rereban pade gero, otak aix te cakar jangke jari songkang
Gumi sene, kokok sene, gunung seno dait segare seno, ican six Nenex
Ngakah pade pongah, ngkap pade bangge, beselamet tipax epen, jelapan ulex

Lafal bunyi Sasak: Belex = besar, Beleg = asli, Belek= kaleng, Belek = encer]

Dengan Sasak, wah olex saman laex ye kebut six sifat sifat satrye dait jujur. Lagux begentixne waktu milu gentix sifat sax tepuje six dengan luwex sino. Kemuliaan martabat menuse sax ribuwan taon te ajahang six papux balox selun wah begentix six sifat demen peta mau makkegirangan sax jelap telang marax angin liwat.

Kebiasaan ngotok lex sedin rurung mulai penggitan, leman waktune pade arax sekole SMA. Laexan sax masih cume besekole SD atawe SMP, menusene masak jiwene. Kerna leman kodex tetaletang ajahan base (bahwa) selapux dengan jax gen jari towax dait jax jaux tanggung jawab lex masyarakat.

Bilang kelompok manuse agenne jelap maju harus arax beduwe penuntun sax kowat lamun perlu sax revolusioner. Buroh ndex ne jax bau maju lamun ne bejuang mesax. Dengan bangket ndex ne jax berubah nasibne lamun ne meno meno dirix idupne. Kelompox sino perlu beduwe, buroh sax tulen buroh lagux berilmu, yesino dengan sax taox berembe derite dait kemelen batur luwex. Semeno juax dengan bangket harus ne buduwe sopox dengan sax tetu idup leman bangket lagux berilmu, yesino sax ketaon ape sax jari pendait baturne sax luwex sino.

Lex mbe mbe paer ndarax ceritene, dengan bangket atawe buroh te majuang isix dengan luwar olex bangket atawe luar buroh. Sejarah wah nyatet kejadian revolusi sax tepejulux six buroh atawe dengan bangket. Terus wah sino bau arax kemajuan lex segale bebiris (bidang). Lex Gumi Selaparang sene, rakyatne jelangkar sebangetne jelangkar (sangat
terpuruk). Dengan sax tarepang jax jari pengubah ndex arax bekas bekasne mele obah keadaan, ape malik revolusi. Dengan sax mesti geraxang masyarakat agenne maju, malah terus ne rabox sifat sifat lumah dengan luwex adexne sax ndex bau maju. Kembexne  ampo meno, sengax dengan luwex, salax dengan, taoxne ngarep adexne sax te tulung lex usahe perobahan sino. Marax te sebut lex julu, dengan sax jax obah kelompok mesti ne leman sopox kelompok. Ndexne bau dengan bangket jax obah buroh ape sebalikne.

Jari dengan luwex mesti sadar nane sene, lamun mele pade maju, harus arax ne jariang sopox sax jari panutan lex dalem kelompok mesax. Lamun wah te siapang kanak bajang  lex dalem kelompok terus arax sak kowat barux te sugulang pepadu pepadu kelompok sax lain. Terus tesanding selapuxne, barux te bau manto mbe sax paling bagus ye te majuang jari datu. Datu sino sax tiwox olex dasan atawe kelompok mesax pasti ne kowat dit beduwe sifat satriye, sengax ye te pelihara te tiwoxbelexang, te imenae mesax.

Luwex pinton (contoh) lex kesah kesah saman laex pekare datu datu sax kowat dit te tunang six rakyatne, selapuxne olex dalem kelompox mesax. Raden Wijaye sax butengang Majepahit, Ken Arok sax pekatik jaran terus jari datu sino. Napoleon meno maseh dit  luwex sax ndexne bau te sebut selapuxne lex te. Dengan sino ndexne mesti leman wangse menak. Lagux luwexan lex kesah kesah tesebut wangse menak, sengax wangse sino
sax beduwe kemengan ( kpandaian) nyerat kesah. Timax jax ndexne wangse menak lagux tetamang lex kesah jari teparan selapux wangse menak. Kesah sax meno pade wah terjadi lex selapux gumi sene. Masyarakat luwex mesti ne taox base ite sine ndex te mungkin jaxte majuang six dengan lain. Ape malik nane menuse pade beriuk boyax kedemenan, kegirangan mesakx (hedonis). Peniage beriukne majuang pade baturne sax beniage. PNS beriukne pertahanang posisine. Pulitisi sekowatne berusaha adex ndax bae jangke te sugulang olex parte atawe dewan, ye ampoxne pade beriux piyax kelompok adekne kowat. Sax kelimpungan dit pineng kejelo kekelem nggakne yasino buroh, dengan  bangket, dagang urap-beberox. Sai jax bela dengan kodex kodex sino, nane sene? Selain dirixne mesax ndarax dengan lain. Ape lacur mayoritas manuse lex Selaparang sino ye dengan kodex.

Sax jari pekare sene, ndarax dengan lain jax bau nuntun jangke pungkas, lamun ndex dengan olex dalem mesax. Lagux ndexne mungkin dengan kodex jax gumane tiwoxbelexang pemimpinne, sengax manuse sax jelangkar sino, ndexne bau mikir lainan kecuwali pekare berembe ntan mangan jelo sene. Ye ampox ne mudax lalox te pengaruhin six oknum tertentu, sengax dengan luwex sino lumah pikirne, lumah pemetaxne dit  seterusne.

Nane sene sax tetu teperluang six dengan luwex yesino, kanak bajang sax tiwoxbelex lex masyarakat . Sax tetu beridap berembe sedehne manuse lamun ne ndex beduwe ape ape. Sax wah ngalamin, perajahan lex idup sax nyate. Ye doang sax bau jaux masyarakat jax maju.

Lamun sax lain, pasti ndarax angen sax belex tipax usahe majuang dengan kodex sino, sengax ye ndex ngidap base ye sino dengan sax pade susahne. Tetu ye bejanjix lex kampanye meno mene, dendex jangke percaye. Mustahil dengan lain jax jaux ite maju, ite mesax doang sax bau majuang dirix.

Dengan sax tesebut kiyai otomatis sax ne majuang sax pade kiyaine, dengan sax nyeken kuwase berusahene bau angen dengan six program merakyat (popules), lagux selapuxne wah terbukti, kyai ndexne wah arax selametang manuse sewahne telah mase penjajahan. Penguase lamun te pilex malik jax ngokot harte seke belex adexne seke sugi mesax. Jari
semeton pade kesulitan jax boyax datune, sengax ndex arax ye pade tiwoxbelexang pepadu sax jax tejariang datu. Selun selun dengan sax ndex wah milu kepansan, kujanan maju mele jari datu.

Rakyat sene, sebelo belon sejarah cume tepolox olox doang. Lagux six kontex ingetan menuse, malik bae ne tulak tipax taoxne gerix. Ye ampoxne arax pesaje (pepatah), base menuse sino ya begean six kuldi (keledai) sengax kuldi sino ndexne wah kedampes duwe reban lex sopox taox, lagux menuse ye kedampes kedampes dirix jangke pecok, lagux
ndexne wah berajah sax tetu tetu berajah. Lamun datu kedampes, rakyat jax berampes, lamun selapux berampes ye ampox te jari apes.

Nenex kaji sak kuwase doang sak epen penaox,

Selamet dait ampure,

Sax ikhlas

Hazairin R. JUNEP

Manuse te icanin penaox dait ase sax ndex ne bau te palex six mahluk De Side Nenex sax lain. Gegawexan (kreatifitas) menuse bau te paran tampe wates, upame ndarax petitox elex agame Islam, wah laex lane dengan Sasak jari semele mele.

Lex dalem idup dait dengan luwex (bermasyarakat), bilang gubuk beduwe adat dit hukum. Semule jatine selapux adat dit hukum sax te kawih ndexne kanggo beradu six hukum agame Islam sino, sengax ite idup lex  gumi Sasak sax Islami.

Leman saman halal lepang, sax aran tau Sasax sino, lamun ndex ne bekejengil ndexne bagiye atene pade. Jari meno, bilang gubuk dasan beduwe upakare segale rue agen ne  pade demen dit girang idupne. Sekedix sekedix boyax kedemenan terus pekedekan kanax kodex te piyax jari pantowan dengan luwex. Lamun wah ketagian seken bangetang bagian pekedekan sax paling te girangang six batur luwex.

Latehan rage, sax semule jati kawih ngelateh prajurit adexne tetep siage, kadu jari pekedekan terus jari pantowan. Lamun pekedekan sino  ndexne jax jari pekare sax nyenyedax karakter manuse, wah tetu ndax tegugat. Lagux keluwex pekare sax te anggep ndex baye semule jatine ye baye gati.

Perisean sax jari olah rage bagus, bau ne jariang ritual, upame lex Bayan, dengan ngingetang Mulud pasti ne araxang perisean sino. Dengan luwex muni, lamun arax sax bocor ye tanden bagus, ye tande nazarne wah teterimax. Dengan luwex sax belok ajum sino, sejatine ndexne taox pekare kemaslahatan dit kemudaratan ape sax ne gawex, ape malik pekare agame. Olah rage sino bagus, sengax te surux ite six Nabi SAW agen te jari ummat sax kowat, digdaye dit taat. Lagux segale ape jax te gawex begantung lex niat. Niat sino pade six Visi. Lamun beduwe visi salax otomatis misine endah salax dengan.

Mulud sino te araxang jari pemberajahan tipax dengan luwex. Berembe landesan agame Islam, berembe idup Rasul SAW sax mesti jari penuntun (role model) tite sax jari ummat sene. Ape ruen urusanne Mulud dait sembex dit minyax blonyoh segale rue. Tetu ndex care langsung ne sedax keimanan tite, lagux seke suwe seke begetax pemahaman dengan
base (bahwa) ape sax ne gawex sino ye mula ajaran Nabi. Seken kurang penerangan agame seken kowat pengertian sax salax.

Lamun te bekelit muni, dengan sino kan waktu telu, ino tesebut apologi. Da’i dait da’iyah langsung kekapak kalah. Ndarax bani bebadax pekare sax jari landesan agame sino. Kembex ne arax bede masyarakat, pedahal menuse pade derajatne lex Islam. Kembexne dengan tertentu doang sax beribadah, selain sino ndexne lakonang ajahan agamene. Akah
care sino bau te palex tipax Brahamnisme, coba ketowan dengan Hindu sax deket balende, wahne gitax kitab sucine ape ndex?. Pasti ne ngengget, sengax cume wangsen Brahman sax kanggo nenaox. Sax lain tesebut kaste bawaxan ndexne ketaon ape ape. Ape malix sax tesebux kaum Pariah sino, o marax sesato jamax, haram ne te demok six kaste sax atasan.

Islam sino Rahmatan lil Alamin, arax sopox sax te tegel yesino Al Qur’an dait Hadits. Lamun ndex te faham pekare sax sulit serahang lex Allah dit RasulNe. Nah sino sax perlu gati te gores bawaxang, ape juwax pekare lamun ndexte ngerti tulakang tipax De Side Nenex dit Nabi SAW. Ye ampox te maux perentah Iqra’ sino, adexte mace, ape beketowan
perkare sax ndexte taox. Ngkahte jari pengikut dengan sax taoxte beketowan, ino tearan kultus individu, atawe nyembah manuse. Ite Iqra’ sino watesne entah mace, mbedayang dit ngerti. Tetep de berentix lex Tali Allah, tampe te ilang rase hormat te lex dengan sax taoxte beguru sino.

Lamun te beniat ngerayang Mulud semestine ite beriuk tulak jok ajaran Nabi SAW sino. Ngkah te arax araxang upekare sax ndex ne arax tuntunan lex Qur”an dait hadits. Paling jaox te kanggo gawex ape juwex watesne bermanfaat ndex sax jax jaux mudarat tipe selapux dengan.

Lex mase sine, dengan Sasak wah bekeleot bekelecang pade beragame, arax sax nyampur Islam six Hindu, bekerem, bekipu, betape, nyembah lex batu dit lain lain. Arax sax nyampur Islam six Kresten dit Yahudi, jari seken dengan pineng isixne. Luwex ndah sax jari ateis, sengax selun selun gedeg atene gitax dengan sembayang, teparan dengan sembayang sino takut lex Allah sax jax murke lamun ndexne sembayang. Tretet tetet…Ongkat sopox Tuan Guru laex. Ye ruen ampox meno ongkatne, kaye, Tuan Guru sino, keluwex dengan sax selun selun jari tuhan lex gumi Selaparang.

Arax sax merkosa anakne jangke nganak, sengax ye anggep dirixne tuhan, arax sax korupsi kerna ye anggep dirixne tuhan. Lex embe juax arax tuhan kodex dit belex. Babu te pelaux pedayax six tuan ne kerna ye  milu mangan lex taoxne jari ye tuhan. Cobaxang lalo jok pulisi, ape kantor bupati, pasti begelanyat tuhan lex mbe mbe, harus ne nyembah
atawa ne toloxang sesajen baruxne bau liwat.

Agamen dengan Sasak berue rue endah, Pegawe Negeri, Karyawan, Parte, kelompok pengajian, komunitas dit bau endah kesebelasan beraduwan jari agame. Ritualne lain lain, arax sax bilang setaon, duwe ne ribut. Taek pangket aranne ape malix jax pensiun persis marax ngurus ibadah haji. Karyawan nyembah lex bos, bilang bulan arax ritual atau bilang
taon. Parte sino meno maseh, rapat parte marax sembayang 5 waktu, olex kelemax dait kekelem ndexne tutux marax dengan gile zikir. Kampanye bau te paran ye nyeken  kumpul lex Arafah.

Selapux keleot kelecang sino, mulain olex lakarjari (rekayasa) kelompok tertentu sax mele nguwasain kelompok lain. Seke suwe ndarax bau kendaliang ye, jari nane selapux dengan beriux pade gawex pekare sax pade, marax entan wah te ajah six Tuan Guru mesax mesax. Bilang dengan beduwe aturan dit anggote. Selun selun, ndex te kenal semeton  jarinte mesax six keluwex adab dit care sax endex endex.

Peristiwe sax arax lex Gumi Selaparang, upame Kekerasan Dalam Rumah Tangga, ndarax urusanne dait Agame Islam. Maling, copet, aborsi ape malik. Lamun te pedasang pacu pacu, pekare sax nyedax bangsen tite sino, landesanne yesino njelangkarne idup (keterpurukan). Moral seda, hukum ndex t’ajin, tradisi te gentix six upekare kegirangan (hedonis). Terus terusan sekedix sekedix selun selun selapux beduwe agame mesax dit tuhan mesax. Piran piran jax ne arax perang selak (antara) tuhan dit tuhan. Lamun jangke terjadi sax meno, ye wah wayen kehancuran bangse Sasax…

Nenex kaji sak kuwase doang sax paling taox,

Selamet dait ampure,

Sax ikhlas,

Hazairin R. JUNEP

Lex sopox jelo sax jax ne bis lex idup penyaer Jerman, Goethe (1749-1832), maux ye  muni sax penutux gati. Ongkat ne:” Mehr Licht!”. Lamun te base Sasakang ongkat sine bau ye kene : Romboxan ite cahye!”.  Ye mele te beng dile ape lilin sax luwexan, wayah sene. Atawe te bukaang ye jendele adekne seke terang?

Kendaitan (ternyata) ye, ndex ne mele sinar lilin ape dilah, lagu lain gati citene. Sax jari melexne seno adexte beriuk romboxan pemengan akal (penjelasan intelektual), adexte romboxang penaox dit kesejatian (kebenaran).

Lex mase ne idup Goethe, ye wah gitax  kebingisan manuse sax saling petiglang, sax  kowat merentah sax lemah. Napoleon te kalahang six Enggris dit Sulingen atawe Prusia (Jerman). Terus bae menuse saling kaken, lengan seno peradaban seken ndex keruan ruene. Ye ampoxne meno ongkat Geothe parexne sax jax tilar.

Cahye sino tandox upame ilmu penaox. Jari lamun seke luwex dengan berilmu seken benah gumi. Lex dalem ajaran Islam arax pesen pekare sax luwih utame sekex manuse berilmu timbang siyu dengan sembayang.   Meno entan Islam sax luwar biase  ngajin ilmu seno. Lagux berembe jage tadahne, seken kurang doang menuse Sasak sax boyax ilmu. Tetu masjid penox jangke siyu lex sopox kote doang. Lagux luwexan dengan nunduk nungke doang. Wah inggas besembayang ibarat mangan lex warung bilin taisne piring selapux sax gemi wahne sax bayah. Ndarax lio  kiri, kawan, julu, mudi. Ino sopox tandox dengan nglakonang ape juax tampe ilmu penaox pekare sax ne gawex.

Ape sax te sebut lex Berajah Jejati (Quantum Learning), berajah yesino,”interactions that transform energy into radiance”. Watesan (definisi) sino tebait olex rumus E=mc2 dowen Tuan Guru  Einstein. Kire kire base Sasakne :  berajah  yesino tepade saling badax ajah adexne bau tewujutang enersi jari cahye. Tuan Guru Einstein seno dengan Yahudi, lagux ke solah ongaktne pekare ilmu dait agame. Ngene ongkatne:” Agame tampe ilmu kepax, Ilmu tampe agame pekek”.

Berajah semule jatine yesino tuntunan lex dalem usahe pewujutan sifat (karakter). Karakter asalne olex base Latin sax bemaxne pahat. Jari usahe ngewujutang karakter yesino te ngukir jiwa adexne bau jari wujut sax  ruenmesax (unik), tedemenang (menarik) dait  ndexne pade six  baturne.

Berembe carente yax ngukir barang sax ndex berwujut seno? Pekare mudax, ape jax sax bewujut?. Kan wah beduwen te Agame Islam, sax mule jatine beduwe ajaran sax ndex bewujut ndah. Ye te kadu ngukir. Panutan sejati (role model) tetu tetu te perluang lex usahe sene. Ndex ne kanggo sekedar CCD (cucuk cucuk doang) alias teori. Lagux sai bani ngeraos ye mesax mesti ne gawex. Dalem Islam syarat jari Muslim marax basen Nabi SAW arax sopox, yesino ndex te kanggo lekak!.

Kembexne nane sene rue ruen jax Bangse Sasak jari bangse Indlander, ndex sadux dirix, ndexne arax ketempo kemajuan, selain dengan besiax jari selingan maling, ye luwexan dengan beseang. Lagux masi doang dengan demen pade merarix, datu endah demenne maux pajek jari ape sax jari deriten tite ye jari bati belex tipax dengan lain. Pekare ne sugul terus sengax ndarax panutan sejati atau role model.

Selapux kanak tekirim besekole, olex SD sampex S1, S2 malah luwex S3. Lagux cerobax pade te pedasang pacu pacu. Luwexan kanak sino, berajah marax latihan rage. Ndarax gumane berajah sampixne ngukir diri. Nggaxne palexne nilai olex pengajarne. Pegajarne muni ape, lemax murid tesurux muni marax meno lex ujian, jari ape bedan six beo meno?

Lamun wah pade tutux besekole, beriukne boyax pegawean adexne maux kepeng sebelex belexne. Sengax wah sesuai dait lelampan idupne waktune berajah seno. Waktune berajah ye pade ngerasax marax nyeken beli ilmu, marax dengan telateh tinju, bayahne mahal sengax lamun jari juare yaxne maux kepeng belex. Arax sopox Hakim Agung Amerika sax muni, pikiran dit berajah sino pade sik otot dit awak, pade bau te jual beli.

Lagux  nggax nggaxne sax ndex ne bau te jual beliang ye sino  KARAKTER.

Pire dengan sax te paran pinter, ndexne kowat atene begawean, ye sugul tame doang lex mbe juax taoxne. Pire dengan te angkat jari datu, ye kurang dirix six ne beridap. Ye ampoxne pade girang korupsi. Sengax ye paran lamun luwex harte berue bale bagus mobil mewah, barang barang sino bau ne kadu angkat derajatne adekne te ajin six dengan luwex. Bareh julux,  wah keluwex  dengan kekapax rebax wahne sax bis jabatanne? Pire dengan wah sax te pecat, pedahal gelar ne bederek ngiring aran ne mulai olex Kyai, Haji, Tuan Guru, Raden, Lalu, titel akademis maux beli atau honoraris, pade jelungkur. Arax sopox sax ne pade lupax, ilmu sino lamun tetu te boyax, terus teukir lex dalem pikiran sak wujutang karakter sejati manusie, selapuxne yax berubah jari cahye.

Ngkahang wah besekole lamun pade boyax barang sax bau te jual beli. Araxan ndot lex bale, kadu keping sekole seno jari modal. Nendak empax melong ape cumix, geroang terus jual lex Sweta. Jelapan maux keping kadu beli mobil, rezeki halal dait bagus. Ndarax korupsi ndarax dengan jelungkur selun selun. Lagux sax tetu besekole kerna ngelakonang perintah De Side Allah dait RasulNe, terus jaux pahat dait ukir diri, terus ukir selapux kanak bangse Sasak adexne pade jari manusie sejati, sax sembahyang kerne taoxne ape ne gawex. Bangse Sasak mesti ne dait julux jati dirixne, adekne jari Bangse Merdeke. Atene ikhlas, penaoxne gowar, ibadahne belo, amal sholehne bemanfaat, ino selapuxne jari dilah sax terang benderang lex Gumi Selaparang.

Mule Nenex kaji Sak Kuwase epen selapux penaox

Marax meno julux,

Selamet dait ampure,

Sax Ikhlas,

Hazairin R. JUNEP

(masi bedilah jamplung)

Nasi adalah makanan pokok bangsa Nusantara dan makin lama makin luas masyarakat yang beralih ke nasi. Di Madura dan NTT dahulu orang makan jagung, di beberapa wilayah Jawa dan Sumatera mereka makan ketela pohon dan di Papua penduduk mengkonsumsi Batata atau ubi jalar.

Tiap tiap daerah bahkan daerah terpencilpun, memiki keterampilan mengolah makanan. Baik dari bahan beras, ketela, ubi atau jagung. Nasi gudegnya Jogjakarta terkenal sampai negara tetangga. Jagung bose adalah makanan lezat di Timor. Sagu bakar adalah andalan pengganjal perut di Maluku. Siapa tak kenal nasi Padang yang tak ada di Padang? Orang Madura terkenal dengan ketupat dan sate kere di Jogjakarta tetapi orang yang di Madura tidak pernah mengenalnya.

Sebagai bahan pokok beras selalu harus tersedia di rumah. Kita mengenal beras merah yang sebenarnya coklat, ada juga beras hitam, beras putih dan ketan yang putih dan hitam saja. Di masa paceklik bangsa Indonesia, bisa makan apa saja dari singkong kering, gadung, uwi, dan semua umbi yang jarang ditemukan dipasar serentak digali dari pangkuan ibu pertiwi. Di sementara daerah mereka makan nasi aking karena ibu pertiwi ngambek, melihat sebagian anak anaknya mengangkangi negeri dengan korupsi. Nasi aking adalah nasi basi yang dikeringkan untuk makanan babi, kata yang membeli di  Selong. Tak tahunya jadi makanan manusia juga.

Ada satu yang istimewa di Gumi Selaparang, manakala datang bulan Rabiul Awal, mereka merayakan hari lahir Pemimpin Utama mereka yang hanya dibincangkan sekali setahun dan tak begitu diikuti nasihat dan jalan hidup yang dituntunkan. Nabi itu menorehkan sejarah terbesar dalam peradaban manusia yang kala itu manusianya suka membunuh anak anak perempuannya dan melakukan perbuatan nista sesuka hati. Kalau Tuan Guru atau kiyai mulai bercerita tentang kisah Sang Nabi, orang Sasak sangat tunduk dan memberi rasa hormat tertinggi dengan menyebut beliau sebagai JUNJUNGAN. Karenanya Islam diterima seratus persen sebagai tuntunan moral atau akhlak dan etiket Bangsa Sasak.

Nabi Agung itu lahir pada 20 april 571 M atau tahun Gajah. Beliau membawa ajaran yang berintikan Rahmatan Lil Alamin. Orang Sasak menerima semua yang disebutkan dalam Hadits Shohih tanpa rewel apalagi keterangan dari Al Qur’an. Tetapi sangat diragukan bahwa mereka sungguh sungguh tahu, makna Hadits maupun Ayat Al Qur’an itu.

Merayakan Maulid atau Mulud adalah peristiwa penting dalam kehidupan tahunan Bangsa Sasak. Mereka akan mengadakan bagawe, dengan membuat panganan istimewa untuk dihidangkan di Masjid atau di santren atau mushalla. Pada acara Mulud jamaah datang ke tempat yang ditentukan dengan membawa dulang atau wadah berisi penuh makanan dan buah buahan.

Masing masing dulang disusun rapi di pelataran Masjid atau mushalla dan pada saatnya nanti mereka akan makan bersama, makanan yang dibawa tidak mesti akan didapatkan karena tidak ada daftar siapa membawa apa. Begitu jamaah selesai shalat dhuhur dan menerima siraman rohani, mereka lantas berbanjar duduk bersila dan petugas mengedarkan dulang yang berkaki sehingga letaknya pas di depan dada. Satu dulang bisa
dimakan berenam atau kurang atau lebih tergantung dari jumlah jamaah dan jumlah dulang yang ada.

Setelah selesai makan kenyang dan masih banyak tersisa, maka tiap orang boleh membawa berkat pulang. Anehnya meskipun sudah makan orang yang dirumah senang menerima berkat, yang dianggap membawa berkah atau kebaikan. Ya tentu kebaikannya makin kenyang dan sehat. Sungguh keterlaluan sebenarnya acara makan ngamuk seperti itu. Bagaimana mungkin, semua orang terang terangan menentang Nabi Agung itu dengan
pongahnya!. Nabi berpesan, agar kita makan saat lapar dan berhenti sebelum kenyang… aduh bahkan Tuan Gurupun ikut bawa berkat juga.

Saat seperti itu bangsa Sasak seolah tak pernah mengalami njeleng atau busung lapar. Sehari itu manusia tiba tiba begitu ikhlas mendarmakan rezekinya pada sesama. Tidak ada tanda tanda bahwa ditempat itu, dimana dulang dulang penuh makanan, buah-buahan sampai setinggi Rinjani, dapat terjadi busung lapar dan TBC. Hari itu kemakmuran yang
penuh dengan ciri Rahmatan Lil Alamin benar benar tak disangsikan aplikasinya yang sejati.

Nanti dulu, selain, makanan enak enak itu, masih ada jajanan yang dapat menggambarkan kreatifitas dan selera tinggi Bangsa Sasak itu. Renggi atau rengginang dibuat dari ketan matang atau ketan halus dan dijemur. Ukurannya bagai parabola yang akan dipakai nonton pertandingan sepak bola langsung dari London. Buah pisangnya yang terbaik dari sisir bagian atasnya saja. Ada lagi yang palingistimewa, namanya NASI RASUL atau NASIX LASUR atau LASUR saja. Kalaumenyebutnya Nasi boleh pakai Rasul tapi kalu tanpa nasi orang desa omong Lasur….

Nasi Rasul dibuat dari ketan putih yang berkualitas dan dibuat sepertinasi kuning. Seperti itu saja sudah enak sekali . Tapi karena maumenghormati Mulud atau memang karena keturunan Doyan Nade, tidak puaskalau hanya begitu saja. Masih harus ada serundeng dengan suwiran ayamkampung panggang dan kuah pelalah yang berwarna kuning jingga. Mereka menghidangkan makanan ini dengan sangat takzim. Dapat digambarkan seperti puteri Jepang menghidangkan teh kira kira.

Andai saja, bangsa Sasak, terus memelihara Rahmatan Lil Alamin dalam keadaan lapang dan sempit, niscaya mereka adalah bangsa paling mulia dimuka bumi ini. Tunutunan Nabi Agung itu membawa ummat ke dalam kehidupan penuh welas asih, penuh silaturrahmi. Maka tak ada tetangga yang sampai busung lapar karean tak mungkin ada manusia yang mengotori tangan dan hatinya dengan kenistaan macam korupsi atau maling.

Nabi Agung itu membuat Bangsa Sasak menjadi satu, tidak hanya dengan saudaranya segumi Selaparang tetapi pun juga dengan saudaranya diseluruh dunia. Nasi Rasul dibuat dari ketan bukan asal ngawur. Papuk Balox Bangsa Sasak sesungguhnya menitipkan pesan bahwa hendaknya anak cucunya, saling bersatu erat bagai ketan di Nasi Rasul itu.
Warnanyapun kuning Jingga. Kuning adalah simbul kebeningan, kesucian hati. Jingga adalah semangat yang datang dari rasa asih. Ditaburi kelapa adalah ibarat rezeki yang merata untuk tiap orang yang memelihara persaudaraan yang erat itu. Karena begitu besar isi titipan pesan itu seolah membawa begitu banyak ajaran Nabi maka disebutlah
panganan istimewa itu Nasi Rasul.

Berdoalah dengan rasa syukur atas apa yang kau dapatkan, dan darmakanlah rezekimu kepada semua keluarga dan tetangga, kepada orang yang demikian Allah karuniakan rezeki yang datangnya tak pernah diduga. Bangsa Sasak,… jadilah bagian dari Nasi Rasul
Besar bernama Gumi Selaparang…

Wallahualam bissawab,

Yang Ikhlas,

Hazairin R. JUNEP
(Bewet Nasi Rasul)